धबधब्यात पाय घसरुन तरुणाचा मृत्यू….!
वैभववाडी | नवलराज काळे :
भुईबावडा घाटात मुख्य धबधब्यात पाय घसरून तरुणाचा दुर्दैवी अंत झाला. ही घटना मंगळवारी संध्याकाळी अंदाजे ६ वाजण्याच्या सुमारास घडली. रोशन यशवंत चव्हाण वय २८ वर्षे रा. कापडपेठ ता. जि. सांगली असे मृत तरुणाचे नाव आहे.
याबाबत घटनास्थळावरून मिळालेल्या माहिती नुसार, मयत रोहन चव्हाण आपल्या मित्रांसमवेत सांगलीहून वैभववाडी तालुक्यातील वेंगसर येथे त्यातील एका मित्रांच्या नातेवाईकांकडे चालले होते. दरम्यान भुईबावडा घाटातून येत असताना मुख्य धबधब्यात आनंद लुटण्यासाठी मयत रोहन चव्हाण धबधब्यात आंघोळ करण्यासाठी उतरला. यावेळी पाऊस मोठा सुरू होता. पाण्याचा प्रवाह वाढल्याने धबधब्यानजिकच मोरी असल्याने मोरीतून पाय घसरून मयत चव्हाण दरीत कोसळल्याने जागीच दुर्दवी अंत झाला. दरम्यान घटनास्थळी पोलिस निरीक्षक अमित यादव, पोलिस उपनिरीक्षक सुरज पाटील, पोलिस उपनिरीक्षक प्रविण देसाई, श्री. पडेलकर वाहतूक पोलिस श्री राठोड आदी घटनास्थळी रवाना झाले आहेत.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
