हिंद मराठा संघ तालुकाध्यक्षपदी रोहन रावराणेंची निवड…!
वैभववाडी | नवलराज काळे : हिंद मराठा संघ तालुका अध्यक्ष पदी रोहन रावराणे यांची निवड करण्यात आली. जिल्हा अध्यक्ष विशाल परब यांनी ही नियुक्ती केली. जिल्ह्यातील मराठा समाजाच्या हिताकरिता हिंद मराठा संघ कार्यरत आहे. जिल्हा कार्यकारिणीसह तालुका कार्यकारणी गठीत करण्यात येत आहे. वैभववाडी तालुका अध्यक्ष रोहन रावराणे यांची निवड करण्यात आली.
रावराणे हे विद्यमान नगरसेवक आहेत. तसेच माजी उपनगराध्यक्ष म्हणूनही त्यांनी काम केले होते. त्यांच्या सामाजिक कामाची दखल घेऊन त्यांना संघाच्या तालुका अध्यक्ष पदाची जबाबदारी दिली आहे. मराठा समाजाच्या उत्कर्षासाठी काम करणार आहे. समाजाच्या तळागाळातील व्यक्तीपर्यंत संघाचे ध्येय धोरण पोहचविणार आहोत अशी निवडीनंतर रावराणे यांनी प्रतिक्रिया दिली .
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
