<em>बिघाड झालेल्या टेम्पोला कंटेनरची जोरदार धडक; एडगाव येथील घटना…</em>
वैभववाडी | नवलराज काळे :
एडगाव येथे बंद पडलेल्या टेम्पोला कंटेनरची जोरदार धडक बसून अपघात झाला. या अपघातात टेम्पो मध्ये झोपलेला चालक हा बालबाल बचावला आहे. दोन्ही वाहनांचे दर्शनी भागाचे मोठे नुकसान झाले आहे. सकाळी 9 च्या सुमारास हा अपघात घडला.
एडगाव घाडीवाडी नजीक दोन दिवसापूर्वी टेम्पो (नं. एम एच 17-बीवाय 8913) ला बिघाड झाल्याने बंद पडला होता. रस्त्याच्या डाव्या बाजूला तो टेम्पो उभा करण्यात आला होता. आज सकाळी कोल्हापूरहून वैभववाडीच्या दिशेने जाणाऱ्या कंटेनरचा (नं.एमएच 04- जेयु -6929) ब्रेक फेल झाला. व कंटेनर उभ्या असलेल्या टेम्पोला धडकला. या अपघातात दोन्ही वाहनांचे दर्शनी बाजूचे मोठे नुकसान झाले आहे. तर चालक बालबाल बचावला आहे. या अपघाताची माहिती मिळताच घटनास्थळी ग्रामस्थ व वाहन चालकांनी गर्दी केली होती.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
