मसुरे | प्राजक्ता पेडणेकर :
गोळवण ग्रामपंचायतच्या खास ग्रामसभेत समाजात प्रचलित असलेली अनिष्ठ विधवा प्रथा बंद करणेबाबतचा ठराव सर्वानुमते मंजूर करण्यात आला.
ग्रामपंचायत कार्यालय गोळवण-कुमामे-डिकवल येथे सदर ग्रामसभा आयोजित करण्यात आली होती.विधवा प्रथा बंद करून या महिलांना समाजात सन्मानाची वागणूक मिळण्यासाठी आपण सर्वांनी कटिबद्ध होऊया असे आवाहन यावेळी सरपंच सुभाष लाड यांनी केले.मान्यवरांनी यावेळी उपस्थितांना मार्गदर्शन केले.यावेळी गोळवण-कुमामे-डिकवल चे सरपंच श्री. सुभाष लाड, उपसरपंच श्री. साबाजी गावडे, ग्रा. पं. सदस्य श्री. विरेश पवार, श्री. शरद मांजरेकर, सौ. प्राजक्ता चिरमुले, सौ. विभा परब, श्रीम. एकादशी गावडे, सौ. शिल्पा तेली, ग्रामसेविका सौ माधुरी कामतेकर, ग्रा. पं. कर्मचारी श्री. बाळाराम परब, श्रीम. करुणा राणे, ग्रामरोजगारसेवक श्री. रामकृष्ण नाईक, अंगणवाडी सेविका, आशा स्वयंसेविका, जि. प. शाळा मुख्याध्यापक, उपशिक्षक, आरोग्य सेविका, कृषी सहाय्यक, तसेच गाव गोळवण, कुमामे व डिकवल येथील सुमारे १७५ ग्रामस्थ उपस्थित होते.
यावेळी विविध विषयांवर चर्चा होऊन खेळीमेळीच्या वातावरणात सभा पार पडली.