मसुरे | प्राजक्ता पेडणेकर :

बारावीच्या परीक्षेत सिंधुदुर्ग जिल्ह्यातून विज्ञान शाखेतून 96.50% गुण मिळवत प्रथम क्रमांक पटकावलेल्या कु.दिक्षा तोंडवळकर हिचा मातृत्व आधार फाऊंडेशन मालवण यांनी वेरळ मुणगेकरवाडी येथील निवासस्थानी भेट घेऊन सत्कार केला.यावेळी मातृत्व आधार फाऊंडेशनचे अध्यक्ष आपा चव्हाण, संस्थापक संतोष लुडबे, संचालक दादा वेंगुर्लेकर, मनोज खोबरेकर, संतोष नागवेकर, उद्योजक सागर वाडकर, सदस्य भाई नेरकर, जगदीश तोडणकर , कु.दिक्षाचे वडील सुमंत तोंडवळकर व आई समीक्षा तोंडवळकर, ओंकार तोंडवळकर, पत्रकार अनिल तोंडवळकर उपस्थित होते. मातृत्व आधार फाऊंडेशन ही संस्था संपुर्ण सिंधुदुर्ग जिल्ह्यात कार्यरत असून या फाऊंडेशन च्या माध्यमातून जिल्ह्यातील गुणवंत विद्यार्थी यांचा सत्कार करुन त्याना पुढील शिक्षणाची प्रेरणा व प्रोत्साहन देण्यात येते.शिवाय सिंधुदुर्ग जिल्ह्यातील गरिब व गरजू विद्यार्थी नागरिक यांनाही फाउंडेशनच्या माध्यमातून आर्थिक मदत देण्यात येते.या फाउंडेशनचा विस्तार जिल्ह्यात तीन व्हाट्सएप ग्रुप द्वारे पसरला असून त्यामुळे संपुर्ण जिल्ह्यांत कार्यरत राहणे शक्य झाले आहे अशी माहिती अध्यक्ष आपा चव्हाण यांनी दिली.मातृत्व आधार फाउंडेशनच्या वतीने कु.दिक्षा हीचा शिवप्रतिमा व पुष्पगुच्छ देऊन सत्कार करण्यात आला .