सेवानिवृत्त ग्रामसेवक संघटनेने केले मालवण बिडिओंचे स्वागत..!
मसुरे | प्राजक्ता पेडणेकर :
मालवण तालुका सेवानिवृत्त ग्रामसेवक ग्रामविकास अधिकारी विस्तार अधिकारी संघटना यांच्या वतीने मालवण तालुक्यात नव्याने हजर झालेले गटविकास अधिकारी श्री आप्पासाहेब गुजर यांची तालुका अध्यक्ष श्री हनुमंत प्रभू यांनी भेट घेत पुष्पगुच्छ देऊन त्याचे स्वागत केले. तसेच पुढील वाटचालीसाठी शुभेच्छा दिल्या. नूतन गटविकास अधिकारी आप्पासाहेब गुजर हे गटविकास अधिकारी जे. पी. जाधव यांची बदली झाल्यामुळे रिक्त झालेल्या पदावर सोमवारी रुजु झाले आहेत.
सोलापूर अकलूज हे मूळ गाव असलेले आप्पासाहेब गुजर यांनी कृषी अधिकारी म्हणून पुणे जिल्ह्यात बारामती दौंड येथे १८ वर्षे सेवा बजावली. त्यानंतर सहाय्यक गटविकास अधिकारी म्हणून मावळ, मुळशी, हवेली या पंचायत समिती ठिकाणी त्यांनी नऊ वर्षे कार्यभार पाहिला. त्यांची पदोन्नतीने मालवण पंचायत समिती गटविकास अधिकारी पदी बढती नियुक्ती देण्यात आली आहे.
यावेळी सचिव अशोक ओटवणेकर, कृषी अधिकारी गोसावी, के टी पाताडे आदी उपस्थित होते.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
