मसुरे | प्राजक्ता पेडणेकर : सिंधुदुर्ग जिल्ह्यातील मसुरे येथील साई कृपा मित्र मंडळ मसुरे बाजारपेठ यांचा आजचा रक्त दानाचा उपक्रम हा श्रेष्ठ उपक्रम असून येथील प्रत्येक मंडळाने याचा आदर्श घेतला पाहिजे असे प्रतिपादन मसुरे येथे बोलताना माजी उपसभापती छोटू ठाकूर यांनी केले.

मसुरे येथील साई मंदिराच्या वर्धापन दिनानिमित्त येथील साई मित्र मंडळ मसुरे बाजारपेठ आणि जिल्हा रुग्णालय रक्तपेढी सिंधुदुर्ग यांच्या संयुक्त विद्यमानाने रक्तदान शिबिराचे आयोजन मसुरे साई मंदिर येथे करण्यात आले होते. याचे उद्घाटन माजी उपसभापती छोटू ठाकूर यांच्या हस्ते करण्यात आले. यावेळी वीस रक्तदात्यांनी रक्तदान केले. समीर प्रभुगांवकर यांच्या उपस्थितीत रक्तदात्यांना प्रमाणपत्र वितरित करण्यात आली.यावेळी वैद्यकीय अधिकारी डॉक्टर अमित दाभाडे, अधिपरिचारिका श्रीमती प्रांजली परब, समुपदेशक सुनील वानोळे, नितीन गावकर, सुरेश डोंगरे, परिचर नंदकुमार आडकर, सुनील प्रभुगांवकर, शिरीष प्रभुगांवकर, प्रदीप पाटकर, स्वप्नील दुखंडे, बाळू दळवी, दिपक पेडणेकर, रोशन दुखंडे, अनिकेत चव्हाण, शैलेश मसुरकर, परेश पाटकर, रुपेश दुखंडे,ओमकार दुखंडे, महेश शिंदे, दिनकर दुखंडे, समीर सावंत, नीळकंठ शिरसाट, केदार धुरी, वानिष शिरसाट, मनीष घाडीगावकर,चेतन दुखंडे,समर्थ दुखंडे,आयुष दुखंडे,मिहीर मसुरकर, बंड्या खोत, कांता सावंत विनायक परब, बापट ठाकूर, दगडू सावंत आणि मान्यवर उपस्थित होते.