राज्यस्तरीय वधू-वर परिचय मेळावा २ एप्रिल रोजी.
मसुरे | प्राजक्ता पेडणेकर : क्षत्रिय मराठा घाडीगावकर सेवा समाज, महाराष्ट्र राज्य, मुंबई यांच्या वतीने मुंबई, नवी मुंबई, ठाणे, रायगड, रत्नागिरी, पुणे, नाशिक जिल्ह्यांसह उर्वरित महाराष्ट्रातील घाडीगावकर समाजातील लग्नाळू “वधू-वरांचा व पालकांचा राज्यस्तरीय परिचय मेळावा” गुढीपाडव्याच्या शुभमुहूर्तावर २ एप्रिल रोजी दुपारी ३.३० वाजता प्राध्यापक सुरेंद्र गावस्कर सभागृह, मुंबई मराठी ग्रंथ संग्रहालय, मुंबई अग्निशमन दला शेजारी, दादर पूर्व, मुंबई येथे आयोजित करण्यात आला आहे. या मेळाव्या बाबत पुणे-नाशिक कराड कोल्हापूर या विभागातील घाडीगावकर बांधवानाही कळविण्यात आले आहे. या मेळाव्याची नोंदणी करण्यास सुरुवात झाली असून याबाबत सविस्तर माहिती आवश्यक असल्यास घाडीगावकर समाजाचे वधू-वर समिती प्रमुख रघुवीर वायंगणकर (नारिंग्रे) यांचेशी मोबाईल क्रमांक 8830666579 वर संपर्क साधावा अशी विनंती करण्यात आली आहे.
या मेळाव्याची माहिती समाज बांधवांनी आपल्या इतर समाज बांधवांना सुद्धा फोन द्वारे अथवा संपर्काद्वारे कळवावी असेही आवाहन करण्यात आले आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
