मालवण | नझ़िरा शेख़ : सिंधुदुर्ग जिल्ह्यात मालवण शहरातील सुप्रसिद्ध रोझ़री इंग्लिश स्कूल या प्रशालेत भारताचा 73 वा प्रजासत्ताक दिन उत्साहात साजरा करण्यात आला.
आरोग्याचे सर्व नियम पाळून साजर्या केलेल्या या कार्यक्रमाच्या पाहुण्यांची ओळख सहशिक्षिका ज्योती रेवंडकर यांनी करुन दिली.कार्यक्रमाच्या प्रमुख पाहुण्या म्हणून माजी मुख्याध्यापिका श्रीमती पेरपेदीन मॅक्सी फर्नांडिस उपस्थित होत्या. त्यांच्या हस्ते ध्वजारोहण करण्यात आले.

कार्यक्रमात शिक्षकांनी देशभक्तीपर गीतांचे सादरीकरण केले. शिक्षकवृंदातर्फे सहशिक्षिका सौ.स्वाती हळदणकर यांनी भाषण केले.

तर प्रशालेचा विद्यार्थी कु.ओम मसुरकर याने भाषण केले.
या प्रसंगी शाळेचा शिक्षकगण ,विद्यार्थीवर्ग उपस्थिती होता. प्रशालेचे मुख्याध्यापक फादर ऑल्विन गोन्साल्वीस यांच्या मार्गदर्शनाखाली व उपस्थितीत या कार्यक्रमाचे आयोजन करण्यात आले होते.
सिस्टर मोनिका यांनी उपस्थितांचे आभार मानले.
या कार्यक्रमाला फातिमा काॅन्व्हेंटच्या वरीष्ठ सिस्टर निंफा परेरा व इतर मान्यवर उपस्थित होते.
सहशिक्षिका थेल्मा यांनी कार्यक्रमाचे सूत्रसंचालन केले.