अक्कलकोट वटवृक्ष मंदिरात कोजागरी पौर्णिमा भक्तीभावात साजरी.

प्रकाशन: 06 Oct 2025 08:52 PM

वाचन संख्या 115

बातम्या, सामाजिक, सुयोग पंडित (मुख्य संपादक)

शेअर करा: Facebook Twitter WhatsApp Telegram

अक्कलकोट वटवृक्ष मंदिरात कोजागरी पौर्णिमा भक्तीभावात साजरी.

अक्कलकोट | ब्यूरो न्यूज : अक्कलकोट येथील श्री वटवृक्ष स्वामी महाराज मंदिरात सालाबादप्रमाणे कोजागरी साजरी करण्यात आली. सायंकाळी ७ वाजता देवीच्या गर्भदेवालयाचे विधिवत पूजा करून द्वार उघडण्यात आले. यानंतर मंदिर समितीचे चेअरमन महेश इंगळे यांच्या अधिपत्याखाली पुरोहित मंदार महाराज पुजारी, व्यंकटेश पुजारी, मोहीत पुजारी, राघवेंद्र बागेवाडीकर व ब्रम्हवृंदांच्या वैदिक मंत्रोच्चारात प्रथमेश इंगळे यांच्या हस्ते विधिवत लघुरुद्र करून देवीस महानैवेद्य व कोजागरी पौर्णिमेस मान असणारा मसाला दुधाचा प्रसाद दाखविण्यात आला. यानंतर मंदिर समितीच्या वतीने प्रथमेश इंगळे यांच्या हस्ते दुध प्रसाद वाटप करण्यात आले. अनेक स्वामी भक्तांनी याप्रसंगी दुध प्रसादाचा लाभ घेतला.

यावेळी मंदिर समितीचे विश्वस्त महेश गोगी, संपतराव शिंदे, उज्वलाताई सरदेशमुख, गिरीश पवार, सागर गोंडाळ, प्रसाद सोनार, संजय पवार, लखन सुरवसे, तुषार मोरे, ओंकार महाडीक, दर्शन घाटगे, स्वामीनाथ लोणारी, विपुल जाधव आदींसह भाविक उपस्थित होते.

विभाग:

बातम्या सामाजिक सुयोग पंडित (मुख्य संपादक)

(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)