पूरग्रस्तांसाठी अक्कलकोट श्री वटवृक्ष स्वामी महाराज देवस्थान समितीच्या वतीने आर्थिक स्वरुपातून देखिल मदत.

मसुरे | प्रतिनिधी : अक्कलकोट येथील श्री वटवृक्ष स्वामी महाराज देवस्थान विश्वस्त समितीच्या वतीने पूरग्रस्तांसाठी महाराष्ट्र शासन मुख्यमंत्री सहाय्यता निधीस आर्थिक स्वरुपातूनही मदतीचा हात पुढे करण्यात आल्याची माहिती मंदिर समितीचे चेअरमन महेश इंगळे यांनी दिली. सलग एक महिन्यापासून शहर व जिल्ह्यात सातत्याने पडत असलेल्या पावसाचा शेतकरी वर्गास व सर्वसामान्य नागरीकास मोठा नुकसान सहन करावा लागत आहे. या पार्श्वभुमीवर या नैसर्गिक आपत्ती काळात श्री वटवृक्ष स्वामी महाराज देवस्थान समितीचे अर्थिक स्वरुपातील मदतीचा हातभार लागणार आहे. ही मदत श्री वटवृक्ष स्वामी महाराज देवस्थानच्या वतीने चेअरमन महेश इंगळे यांनी आर्थिक मदतीचा धनादेश तहसीलदार विनायक मगर यांच्याकडे सुपूर्द केला. 

यावेळी मंदिर समितीचे विश्वस्त महेश गोगी, उज्वलाताई सरदेशमुख, चंद्रकांत गवंडी, संतोष पराणे, श्रीशैल गवंडी, शिवशरण अचलेर, गिरीश पवार, बाळासाहेब एकबोटे, अंकुश केत, चित्तरंजन अगरथडे, श्रीकांत मलवे, गणेश इंगळे, सागर गोंडाळ, आकाश चुंगीकर, गवळी, शंकर मलवे, समर्थ स्वामी, सागर दळवी, ओंकार महाडीक, सचिन कटकधोंड

इत्यादी उपस्थित होते.

नैसर्गिक आपत्ती व संकटकाळात श्री स्वामी समर्थांच्या आशिर्वादाने श्री वटवृक्ष स्वामी महाराज देवस्थान समितीकडून समितीचे सर्व उपक्रम सांभाळून प्रशासनास नेहमीच अनेक प्रकारे सहकार्य करण्यात येते या कार्याची परंपरा मंदीर समितीने यंदाही जोपासली आहे असे महेश कल्याणराव इंगळे (चेअरमन श्री वटवृक्ष स्वामी महाराज देवस्थान, अक्कलकोट) यांनी सांगितले आहे.