तालुका मत्स्य शेतकरी उत्पादक सहकारी संस्थेच्या अध्यक्षपदी हरी खोबरेकर.

प्रकाशन: 21 Aug 2025 08:25 PM

वाचन संख्या 77

राजकीय

शेअर करा: Facebook Twitter WhatsApp Telegram

मालवण | ब्यूरो न्यूज : मालवण तालुका मत्स्य शेतकरी उत्पादक सहकारी संस्थेच्या पंचवार्षिक निवडणुकीत हरिश्चंद्र ऊर्फ हरी खोबरेकर हे आठ विरुद्ध तीन मतांनी अध्यक्ष म्हणून निवडून आले. २१ ऑगस्टला संस्थेची पंचवार्षिक निवडणूक प्रक्रिया संपन्न झाली. ही प्रक्रिया, निवडणूक निर्णय अधिकारी अजय हिर्लेकर यांच्या उपस्थितीत संस्था कार्यालयात संपन्न झाली. संस्थेच्या अध्यक्ष पदासाठी हरी खोबरेकर व शंकर वाघ यांचे उमेदवारी अर्ज दाखल झाले होते.

हरी खोबरेकर हे आठ विरुद्ध तीन मतांनी विजयी झाले. त्यामुळे संस्थेचे नूतन अध्यक्ष म्हणून हरी खोबरेकर यांची निवड निवडणूक निर्णय अधिकारी अजय हिर्लेकर यांनी जाहीर केले. उपाध्यक्ष पदासाठी मिथुन मालंडकर व प्रमिला मोरजे यांच्यात लढत झाली. यात मिथुन मालंडकर विजयी झाले.

तसेच संस्थेच्या संचालकपदी हरिश्चंद्र खोबरेकर, पृथ्वीराज जोगी, जयवंत लोणे, मिथुन मालंडकर, नरेश हुले, विष्णू मोंडकर, दिनेश माणगावकर, शंकर वाघ, रश्मीन रोगे, सेजल परब, प्रमिला मोरजे यांची निवड झाली आहे.

विभाग:

राजकीय

(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)