श्री देव कलेश्वर मंदिर नेरूर येथे २१ ऑगस्ट रोजी 'वरदशंकर महापूजा'.
शिवरात्री योगाचे औचित्य साधून एकाच वेळी चौसष्ट वरदशंकरांची महापूजा.
देवेंद्र गावडे । उपसंपादक : कुडाळ तालुक्यामधील नेरूर गावामध्ये स्थित जागृत देवस्थान श्री देव कलेश्वर मंदिरामध्ये गुरुवार दिनांक २१ ऑगस्ट रोजी पवित्र शिवरात्री योगाचे औचित्य साधून श्री देव कलेश्वर मंदिर येथे चौसष्ट वरदशंकर पूजांचे आयोजन करण्यात आले आहे.
सर्व भाविक भक्तांनी श्रींचे दर्शन व तीर्थप्रसादाचा लाभ घ्यावा असे आवाहन श्री देव कलेश्वर देवस्थान स्थानिक सल्लागार उपसमिती, नेरूर यांच्यावतीने करण्यात आले आहे.
प्रतिवर्षी श्रावण महिन्यातील प्रत्येक सोमवारी विशेष वरदशंकर पूजांचे आयोजन श्री देव कलेश्वर देवस्थान मार्फत करण्यात येत असते. यावर्षीच्या श्रावण महिन्यातील तीन सोमवारी भाविकांच्या अलोट गर्दीत तब्बल १९० वरदशंकर पूजा संपन्न झाल्या, अशी माहिती श्री देव कलेश्वर देवस्थान स्थानिक सल्लागार उपसमितीचे अध्यक्ष श्री. चारुदत्त देसाई यांनी दिली आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
