मालवण | ब्यूरो न्यूज : मालवण शहरातील वायरी भागात कमी दाबाने वीज पुरवठा होत असल्याचे स्पष्ट करत तसेच विद्युत उपकारणे खराब होण्याचे प्रकार त्यामुळे वायरी परिसरात नवीन ट्रान्सफॉर्मर लावण्यात यावा, अशी मागणी ठाकरे शिवसेना उद्धव बाळासाहेब ठाकरे पक्षाचे मनोज मोंडकर व सौ. पूनम नागेश चव्हाण यांच्यासह नागरिकांनी वीज वितरण कंपनीकडे केली आहे.

याबाबतचे निवेदन मालवण येथील वीज वितरण कंपनीच्या कार्यालयात मालवण शहर शाखा अभियंता यांना सादर करण्यात आले. यावेळी मनोज मोंडकर, सौ. पूनम चव्हाण, किशोर गावकर, प्रसाद चव्हाण, निलेश वेंगुर्लेकर, संतोष नार्वेकर, मोहन मराळ, गणेश चव्हाण आदी उपस्थित होते.

वायरी भागात विज पुरवठ्याची मोठी समस्या आहे. कमी दाबाचा विद्युत पुरवठा झाल्यामुळे विद्युत उपकरणे खराब होणे, विद्युत उपकरणे नादुरुस्त होणे याचे प्रमाण वाढलेले आहेत. मालवणमध्ये वाढत्या पर्यटकांमुळे वायरी परिसरातील स्थानिक, 'होम स्टे' धारक यांना कमी दाबाचा पुरवठा होतो. यामुळे पर्यटन व्यावसायिक तसेच नागरिकांना विविध समस्यांना तोंड देतानाच उपकरणे खराब होऊन नुकसानही सहन करावे लागत आहे अशी माहिती मिळत आहे. त्यामुळे वायरी येथील मारुती मंदिर परिसरात नवीन ट्रान्सफॉर्मर लावावा, जेणेकरून दिघे दवाखाना परिसर ते कलावती मंदिर परिसरात चांगल्या दाबाने पुरवठा होईल, अशी मागणी या निवेदनातून करण्यात आली आहे.

सौजन्य | मालवण ब्यूरो