राकेश परब बांदा |
मुसऴधार पावसामुळे गुरुवारी पहाटे बांद्यात तेरेखोल नदीचे पाणी वाढले होते.हे पाणी नदीपात्राबाहेर येऊन नदीनजीकच्या आळावाडी मासळीमार्केटपुढे आल्याने मच्छामार्केट,शेर्ले मार्ग बंद होता.. सखल भागात आळवाडी मच्छी मार्केट मध्ये असल्याने दुपारीपर्यंत तेरेखोल नदीचे पाणी होते. बांदा बाजारपेठेत पाणी आले न आल्याने बाजारपेठ सुरळीत सुरु होती. गुरुवारी दुपारी पावसाने विश्रांती घेतल्याने पाणी नदीत गेले. सायंकाळी बांदा आळवाडी मासळीमार्केटही नेहमीप्रमाणे सुरु होते.
बांदा आळवाडी तेथे पूराच्या पाण्यात कार फसल्याने पलीकडं जाण्याचा प्रयत्न चालकांच्या अंगाशी आला. मच्छीमार्केट हा परिसर सखल भागात असल्याने नेहमीच तेरेखोलचे पाणी घुसते. आज गुरुवारी सकाळी एका कारचालकाने शेर्लेत जाण्यासाठी पाण्यातून प्रवास करताना चालकाच्या अंगाशी आले. या पुराच्या पाण्यातून कार नेत असताना कार पाण्यात फसली. बांद्यातील युवकांनी समयसूचकता दाखवल्याने कारचालकाचा जीव वाचला. २०२१च्या पुराच्या जुन्या कटु आठवणी लक्षात घेता व्यापाऱ्यांनी रात्रीच आपले सामान सुरक्षित स्थळी हलविले होते. बांदा दशक्रोशीतील गावातील गावांमध्ये अती पाऊस पुराचे पाणी शेती बागायतीमध्ये घुसल्याने शेतकऱ्यांचे मोठ्या प्रमाणात नुकसान होणार आहे.