मालवण | प्रतिनिधी :
मालवण मधील कलासेवक युवकांचा समूह ‘कलांगण मालवण’ यांचा दीपावलीनिमित्त रसिकांसाठी ‘सूर दिवाळी’ कार्यक्रम आयोजित करण्यात आला आहे. यामध्ये
३१ ऑक्टोबर २०२४ रोजी सायंकाळी साडेपाच वाजता श्री दत्त मंदिर, भरड मालवण येथे अभंग व नाट्य गीतांचा अनोखा नजराणा सादर होणार आहे. यात दिग्गज अनुभवी सोबत नवोदित युवा कलाकारांच्या संचात सदर कार्यक्रम सादर होईल. कार्यक्रमाला महेश तळवडेकर, सुधीर गोसावी, अक्षय सातार्डेकर व वैभव मांजरेकर यांची कार्यक्रमाला संगीत साथ असेल.
या कार्यक्रमात सिंधुदुर्ग जिल्ह्यातील सुप्रसिद्ध गायक श्री सुनील परुळेकर व संगीत अलंकार ॲड. दिलीप ठाकूर यांच्या दैवी सुरांची जादू श्रोत्यांना अनुभवता येईल. ध्वनी संयोजन सर्वेश परुळेकर आणि कार्यक्रमाचे निवेदन ॲड. प्रथमेश सामंत करतील. या संगीतमय कार्यक्रमाला रसिक श्रोत्यांनी बहुसंख्येने उपस्थित रहावे असे आवाहन कलांगण मालवणच्या वतीने श्रीरंग करवडकर आणि देवेन कोळंबकर यांनी केले आहे
