पळसंबच्या श्री जयंतीदेवी रवळनाथ पंचायतन देवस्थान चॅरिटेबल ट्रस्टने 'युवा मित्र मंडळ पळसंबची' प्रशंसा करत मानले आभार..!
आचरा | प्रसाद टोपले : सिंधुदुर्ग जिल्ह्यातील मालवण तालुक्यातल्या पळसंब येथील श्री. आई जयंतीदेवी मंदिरामध्ये चालू असलेल्या कार्यक्रमाचे औचीत्य साधत ४ एप्रिलला श्री .आई जयंतीदेवी मंदिराच्या गाभाऱ्यात आकर्षक असा ९००० रुपये किमतीचे झुंबर ‘युवा मित्रमंडळाच्या’ वतीने भेट देण्यात आले. ते झुंबर फिटींग करण्यासाठी वायरमन श्री .संतोष मुळये यांनी विना मोबदला फिटिंग करून आई जयंती चरणी त्याची सेवा समर्पित केली. त्याबद्दल मंडळाचे पळसंब देवस्थान सर्व मानकरी आणी पळसंब गावाच्या वतीने त्यांची प्रशंसा करुन आभार मानले गेले आहेत.
या नविनच स्थापन झालेल्या युवा मित्रमंडळातील काही सदस्य मुंबईस्थित तर काही पळसंब गांवचे तर काहीजण इतरत्र चरितार्थासाठी गेलेले असूनही युवा वयात त्यांनी दाखवलेली बांधिलकी महत्वाची असल्याचे सांगत युवा मित्र मंडळाच्या सर्व सभासदांना सुख समृद्धी , ऐैश्वर्य लाभो हिच श्री. आई जयंती चरणी प्रार्थना असल्याचे श्री जयंतीदेवी रवळनाथ पंचायतन देवस्थान चॅरिटेबल ट्रस्ट पळसंब यांनी जाहीर सांगितले आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
