भाजपा राष्ट्रीय सरचिटणीस विनोद तावडे यांची असणार विशेष उपस्थिती ; आमदार नितेश राणे यांचीही असेल महत्वपूर्ण उपस्थिती.

विवेक परब (ब्युरो चीफ) आणि नवलराज काळे ( सहसंपादक) : सिंधुदुर्ग जिल्ह्यातील वैभववाडी येथे ‘हुतात्मा मेजर कौस्तुभ प्रकाशकुमार रावराणे बंदिस्त प्रेक्षागृह उद्घाटन’ व खोरकर (अरुळेकर) रावराणे मंडळ चे ‘कै. सदाशिव गंगाराम रावराणे (वाभवे) शैक्षणिक संकुल’ नामफलक अनावरण तसेच खोरकर (अरूळेकर) रावराणे मंडळ, यांस ‘महाराणा प्रतापसिंह जीवन विकास केंद्र’ नूतन सभागृह हस्तांतरण सोहळा शनिवार २५ मार्च २०२३ ला सकाळी ९.३० वाजता आनंदीबाई रावराणे कला, वाणिज्य व विज्ञान महाविद्यालयात संपन्न होणार आहे. या सोहळ्याला श्री. विनोद श्रीधर तावडे अध्यक्ष, महाराणा प्रतापसिंह शिक्षण संस्था, , माजी उच्च व तंत्र शिक्षण मंत्री, महाराष्ट्र राज्य राष्ट्रीय सरचिटणीस – भाजपा यांच्या हस्ते व श्री. प्रकाशकुमार विश्वास रावराणे व सौ. ज्योती प्रकाशकुमार रावराणे, श्री. भालचंद्र सदाशिव रावराणे यांची विशेष उपस्थिती असणार आहे. आमदार नितेश राणे यांचीही महत्वपूर्ण उपस्थिती असेल.

या सोहळ्याला सर्वांनी उपस्थित राहावे आवाहन महाराणा प्रतापसिंह शिक्षण संस्था, , खोरकर (अरूळेकर) रावराणे मंडळ, यांनी केले आहे.