रक्तमित्र बाबली गवंडे यांचा लायन्स क्लबतर्फे विशेष सन्मान..!
मसुरे | प्राजक्ता पेडणेकर :
सावंतवाडी तालुक्यातील मळगाव येथे लायन्स क्लब ऑफ सावंतवाडी आयोजित कार्यक्रमात सिंधु रक्तमित्र प्रतिष्ठानचे सावंतवाडी तालुका सचिव श्री बाबली गवंडे यांना आतापर्यंत रक्तदान क्षेत्रात उल्लेखनीय केलेल्या कार्याची दखल घेऊन विशेष सन्मान पुरस्कार देऊन गौरविण्यात आले. श्री बाबली गवंडे यांनी कोरोना काळात आणि रक्तदान क्षेत्रात केलेल्या कार्याची दखल घेऊन हा पुरस्कार बहाल केला. लायन्स क्लबचे पीएमजेएफ श्री केशव फाटक, माजी प्रांतपाल यांच्या हस्ते हा पुरस्कार प्रदान करण्यात आला.
यावेळी लायन्स क्लब ऑफ सावंतवाडी अध्यक्ष श्री विद्याधर तावडे, ऍड परिमल नाईक आदी मान्यवर उपस्थित होते.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
