ओझर विद्यामंदिर कांदळगावला प्रोजेक्टर भेट ;१९८६-८७ च्या एस एस सी. बॅच कडून गुरुदक्षिणा..!
मसुरे | प्राजक्ता पेडणेकर :
मालवण तालुका उत्तर विभाग शिक्षण सहाय्यक समिती संचालित ओझर विद्यामंदिर कांदळगाव या माध्यमिक शाळेच्या हीरक महोत्सवाच्या निमित्ताने शाळेतून१९८६-८७ मध्ये दहावीची परीक्षा दिलेल्या माजी विद्यार्थ्यांच्या वतीने शाळेला पंचवीस हजार रुपये किमतीचा स्क्रीनसह एल ई डी प्रोजेक्टर भेट म्हणून प्रशालेचे मुख्याध्यापक श्री पी. आर. खोत यांच्याकडे सुपूर्द करण्यात आला. याप्रसंगी बॅचचे प्रतिनिधी म्हणून सध्या जिल्हा परिषद प्राथमिक शिक्षक म्हणून कार्यरत असलेले श्री.सतिश कदम, ओझर विद्यामंदिर येथे साहाय्यक शिक्षक म्हणून कार्यरत असलेले श्री. प्रविण पारकर, ओझर येथील हॉटेल व्यावसायिक संजय ऊर्फ भाऊ कांबळी, सहा. शिक्षक दीपक जाधव, पी. के. राणे, कर्मचारी भास्कर पाताडे, मधुसूदन परुळेकर उपस्थित होते. माजी विद्यार्थ्यांच्या या बहुमोल सहकार्याबद्दल संस्थेच्या व शाळेच्या वतीने मुख्याध्यापक श्री. पी.आर. खोत यांनी आभार मानले आहेत. त्याचप्रमाणे या शैक्षणिक साहित्याचा वापर प्रभावी अध्यापनासाठी करण्यात येईल असे त्यांनी सांगितले.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
लोकप्रिय टॅग्स
ताज्या बातम्या
पाहिजेत..!
