अवधूत महाराज समाधी मंदिराचा कलशारोहण सोहळा उत्साहात..!
मसुरे | प्राजक्ता पेडणेकर :
मसुरे देऊळवाडा गावठणवाडी येथील श्री समर्थ अवधूत महाराज समाधी मंदिराचा कलशारोहण सोहळा मोठ्या उत्साहात संपन्न झाला.
मसुरे गावात शंभर वर्षांपूर्वी श्री अवधूत महाराज हे संत होऊन गेले. त्यांची प्रचिती सर्वदूर पसरली आहे. श्री समर्थ बागवे महाराजांचे ते गुरू होते. रवळनाथ मंदिराच्या बाजूला त्यांनी जिवंत समाधी घेतली होती.
अवधूत महाराजांच्या भक्तगणांनी महाराजांच्या समाधी मंदिराचे नूतनीकरण करून नुकताच कलशारोहण सोहळा केला. या कार्यक्रमाची अग्रपूजा श्री संभाजी हिरोजी वेरलेकर यांच्या हस्ते करण्यात आली. कलश पूजा बटू कुमार रूहान समीर सावंत याच्या हस्ते करण्यात आली. सर्व धार्मिक विधी स्थानिक पुरोहीत विजय जोशी यांच्या अधिपत्याखाली सात वेदचाऱ्यांकरवी करण्यात आले. यावेळी संग्राम प्रभुगावकर, बाबुराव प्रभुगावकर, उद्योजक डॉ. दिपक परब,
साईप्रसाद बागवे, महेश बागवे, समीर सावंत, सुरेश बागवे, बाबा परब, अनिल बागवे सुनील बागवे, प्रकाश परब, श्रीकृष्ण बागवे, अभिनंदन परब, बाबू परब, चंद्रकांत परब, संजय बागवे, नरेश बागवे, निलेश परब, सुरेश परब, देऊळवाडा ग्रामस्थ गावठणवाडी आणि स्वामी भक्तगण मोठ्या संख्येने उपस्थित होते.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
