कुसूरच्या कन्येला दापोली कृषी विद्यापीठाची डाॅक्टरेट पदवी प्रदान…!
वैभववाडी | नवलराज काळे : कुसूर येथील संजना सुनील साळुंखे पाटील हिने दापोली येथील डॉ. बाळासाहेब सावंत कोकण कृषी विद्यापीठाची डाॅक्टरेट पदवी मिळवली. दापोली येथे मान्यवरांच्या उपस्थितीत नुकताच पदवी प्रदान सोहळा संपन्न झाला. वैभववाडी तालुक्यातील कुसुर टेंबवाडी येथे संजना हिचे घर आहे. तिचे वडील गावातच पोस्टमास्तर म्हणून पोस्टात काम करतात .मध्यमवर्गीय कुटुंबात जन्माला आलेल्या संजनाने आपले बारावीपर्यंतचे शिक्षण तालुक्यात पुर्ण केले.पुढील शिक्षण दापोली विद्यापीठात घेतले.याठिकाणी माती आणि पाणी संवर्धन अभियांत्रिकी विषयात डाॅक्टरेट पदवी प्राप्त केली.नुकतेच दापोली विद्यापीठात पदवी प्रदान सोहळा संपन्न झाला. यावेळी दुरदृष्य प्रणालीद्वारे कृषी मंत्री दादाजी भुसे सहभागी झाले होते.तसेच भारतीय कृषी अनुसंधान परिषद उपनिर्देशक डॉ. आर सी अग्रवाल, कुलगुरू डॉ. संजय सावंत,कुलसचिव डॉ. भरत साळवी आदी उपस्थित होते. संजना हिने मिळविलेल्या यशाबद्दल सर्वत्र कौतुक होत आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
