मसुरे डागमोडे येथील श्री देव रवळनाथ मंदिरातील श्री भवानी मातेचा वार्षिक गोंधळ उत्सव दि. २५ मार्च रोजी.
मसुरे | प्राजक्ता पेडणेकर : परंपरेने व संस्कृतीने दारूबंदीचा पुरस्कर्ता म्हणून ओळखल्या जाणाऱ्या मालवण तालुक्यातील मसुरे डागमोडे येथील जागृत देवस्थान श्री देव रवळनाथ मंदिरातील श्री भवानी मातेचा प्रसिद्ध असा वार्षिक गोंधळ उत्सव शुक्रवार दि. २५ मार्च रोजी साजरा होणार आहे.
यानिमित्त मंदिरात सकाळपासून धार्मिक विधींना प्रारंभ होणार असून रात्री विधिवत पूजाअर्चा, देव स्वारी तरंग सोहळा, ओट्या भरणे, नवस बोली आणि नवसफेड, महाप्रसाद, गोंधळ विधी आणि विविध धार्मिक कार्यक्रम होणार आहे. तरी सर्वांनी या उत्सवात सहभागी होऊन श्रींच्या दर्शनाचा आणि गोंधळ विधी कार्यक्रमाचा लाभ घ्यावा, असे आवाहन मसुरे डागमोडे येथील समस्त ठाकूर मंडळींकडून करण्यात आले आहे.
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
