जयंतीचे औचित्य साधून ग्रामपंचायतीच्या वतीने गावातील सर्व वयोगटातील महिलांसाठी मोफत रक्त तपासणी शिबिर

वैभववाडी | प्रतिनिधी : मराठा साम्राज्याचे सुभेदार महाराजा मल्हारराव होळकर यांची 329 वी जयंती ग्रुप ग्रामपंचायत सडुरे शिराळे मध्ये साजरी करण्यात आली. इंग्रजांशी पहिला लढणारा महाराजा सुभेदार मल्हारराव होळकर यांना अभिवादन करत त्यांच्या प्रतिमेला पुष्पहार अर्पण करण्यात आला.

ग्रामपंचायत सदस्य श्री नवलराज विजयसिंह काळे यांनी सुभेदार होळकर यांच्याविषयी माहिती व विचार उपस्थितांसमोर कथन केले. जयंतीचे औचित्य साधून ग्रामपंचायतीच्या वतीने गावातील सर्व वयोगटातील महिलांसाठी मोफत रक्त तपासणी शिबिर या कार्यक्रमाचे उद्घाटन करण्यात आले.

यावेळी गावचे सरपंच संतोष पाटील, ग्रामपंचायत सदस्य नवलराज काळे, विजय रावराणे, ग्रामसेवक प्रशांत जाधव, सागर मेजारी, रमाकांत रावराणे, सुभाष राणे, कृषी सहाय्यक विश्वजीत पाटील, तलाठी अक्षय लोणकर, अंगणवाडी सेविका सरिता पाटील, सौ. सावंत, जन कल्याण बहुउद्देशीय संस्थेचे अध्यक्ष किशोर जैतापकर, माजी ग्रामपंचायत सदस्य संजय जंगम, ग्रामपंचायत कर्मचारी सुनील राऊत, रूपाली रावराणे व रामचंद्र आडुळकर, दीपक भावे गावचे कोतवाल मोहन जंगम, संतोष भोसले, वैशाली रावराणे आदी उपस्थित होते.