कालावल ते चिंदरचा रस्ता पाहून सार्वजनिक बांधकाम विभागांत किंवा लोकप्रतिनिधींच्या उदार काळजांत 'कालवाकालव' कधी होईल...? (विशेष लक्षवेधी!)
कालावल पुल ते जत्रेचा वड चिंदर रस्ता बनला आहे अपघातातून जीवीतहानीचा राजमार्ग….!
चिंदर |विवेक परब (विशेष लक्षवेधी) : सार्वजनिक बांधकाम विभाग सावंतवाडी यांच्या अधिपत्याखाली असलेला आचरा मालवण रोड वरील चिंदर जत्रेचा वड ते कालावली पुल हा रस्ता गेले अनेक महिने खड्डेमय बनलेला आहे. रस्त्याने येता जाताना वाहन चालकांना व पादचार्यांनादेखील त्यांचा जीव मुठीत धरुन इथून ये जा करावी लागत आहे.
खड्यात रस्ता कि रस्त्यावर खड्डे हे ही समजत नाही आहे. दिवसभरात होणाऱ्या हजारो वाहनांची ये-जा पाहता अपघात होऊन जिवीतहानीची वाट सा.बां. विभाग व लोक प्रतिनिधी पाहत आहेत काय? असा प्रश्न वाहन चालक व जन सामान्यांतून विचारला जातोय.
त्यामुळे ‘कालावल ते चिंदरचा रस्ता पाहून सार्वजनिक बांधकाम विभागांत ‘कालवाकालव’ नेमकी कधी होईल…’ याचा विचार करत कुढत ये जा करणे इतकेच सध्या सर्वसामान्यांना शक्य आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
संबंधित बातम्या
समान विभागातील बातम्या
शिवसेना जिल्हाप्रमुख दत्ता सामंत यांचे आचरा येथे उत्स्फूर्त स्वागत व सत्कार.
