ब्युरो न्यूज | विवेक परब : वाढत्या डिझेल पेट्रोलचा दरवाढीविरोधात देवगड भारतीय जनता पक्षाने देवगड तहसीलदार यांना निवेदन दिले आहे
आंतरराष्ट्रीय बाजारातील कच्च्या तेलाच्या वाढत्या किंमतींमुळे पेट्रोल व डिझेलच्या दरात वाढ झाली आहे. त्यामुळे सर्वसामान्यांना होणाऱ्या आर्थिक ओढातानीची दखल घेऊन केंद्र सरकारने पेट्रोल 7 रुपये व डिझेल 10 रुपये या प्रमाने करात कपात केली आहे. तसेच भाजपा प्रणित राज्य सरकारांनी देखील या निर्णयाची दखल घेत पेट्रोल व डिझेल वर सर्वसाधारण पणे प्रत्येकी 7 रुपये कपात केली आहे. त्यामुळे एकूण दरात पेट्रोलवर 12 रुपये आणि डिझेलवर 17रुपये कपात झाली आहे. आपल्या शेजारच्या गोवा आणि कर्नाटक सरकारने देखील ही कपात केली आहे.
महाराष्ट्रातील महाविकास आघाडी सरकार केंद्र सरकारच्या विरोधात पेट्रोल व डीझेल मुद्द्यांवरून आंदोलन व मोर्चा काढतात पण पेट्रोल व डिझेल विक्रीतून राज्य सरकारला मिळणाऱ्या कराच्या वाट्यात कपात करून सर्वसामान्यांना कुठलाही दिलासा देत नाहीत हे निषेधार्ह आहे.
या निवेदनाद्वारे आम्ही आपणास कळवू इच्छितो की केंद्र सरकारप्रमाणे महाराष्ट्र सरकारनेही पेट्रोल व डिझेल वरील कर कपात करून सर्वसामान्यांना दिलासा देण्याचा प्रयत्न करावा. अन्यथा भारतीय जनता पार्टीला या विरोधात तीव्र आंदोलन करावे लागेल याची गंभीर नोंद घ्यावी व पेट्रोल व डीझेलच्या दरात तात्काळ कपात करावी. असे या निवेदनात म्हटले आहे.
यावेळी तालुकाध्यक्ष संतोष किंजवडेकर पडेल मंडल तालुकाध्यक्ष अमोल तेली,तालुका सरचिटणीस शरद ठुकरुल, प्रियंका साळसकर, भाजप शहराध्यक्ष योगेश पाटकर, सभापती रवी पाळेकर, प्राजक्ता घाडी, राजा वालकर,आदी पदाधिकारी उपस्थितीत होते,