मालवणात श्री देवी भैरवी मंदिराचा २० मे रोजी १७ वा वर्धापनदिन सोहळा.
मालवणात श्री देवी भैरवी मंदिराचा २० मे रोजी १७ वा वर्धापनदिन सोहळा.
मालवण | ब्यूरो न्यूज : मालवण शहरातील सोमवार पेठ येथील श्री देवी भैरवी मंदिराचा १७ वा वर्धापनदिन सोहळा बुधवार, २० मे रोजी संपन्न होणार आहे. या निमित्ताने श्री सत्यनारायणाची महापूजा तसेच विविध धार्मिक, सांस्कृतिक आणि भक्तिमय कार्यक्रमांचे आयोजन करण्यात आले आहे.
सोहळ्याची सुरुवात सकाळी ८ वाजता श्री सत्यनारायणाच्या महापूजेने होणार असून सकाळी ११ वाजता श्री देवी भैरवी सभामंडपाचा उद्घाटन सोहळा मान्यवरांच्या उपस्थितीत संपन्न होणार आहे. सायंकाळी ६ वाजता 'स्वरसंध्या' संगीत गायनाचा कार्यक्रम आयोजित करण्यात आला आहे. तसेच रात्री ८ वाजता श्री देवी भुमिकाई प्रसादिक भजन मंडळाचे भजन, रात्री १० वाजता श्री बोडेकर पारंपरिक दशावतार नाट्य मंडळ, बांदामार्फत 'भवानी शंकर' हे पारंपारिक दशावतारी नाटक सादर होणार आहे.
या वर्धापनदिन सोहळ्याला भाविकांनी सहकुटुंब उपस्थित राहून तीर्थप्रसाद व कार्यक्रमांचा लाभ घ्यावा, असे आवाहन अध्यक्ष विजय सिताराम चव्हाण यांनी केले आहे.
विभाग:
(आपल्या वेबपोर्टल वरील बातम्या, माहिती, लेखन, छायाचित्रे, जाहीराती व संबंधित मजकूर आणि इतर घटकांच्या विश्वासार्हतेची जबाबदारी आपली सिंधुनगरी न्यूज चॅनेल, प्रतिनिधी, संपादन विभाग तसेच आपली सिंधुनगरी न्यूज चॅनेलची नाही, याची कृपया नोंद घ्यावी.)
