आमदार निलेश राणे यांच्या उपस्थितीत शिवसेना पदाधिकारी व कार्यकर्त्यांची बैठक संपन्न. 

मालवण | ब्यूरो न्यूज : आगामी निवडणुकांच्या पार्श्वभूमीवर आमदार निलेश राणे यांच्या उपस्थितीत दैवज्ञ भवन, मालवण येथील सभागृहात शिवसेना पदाधिकारी व कार्यकर्त्यांची आढावा बैठक, २४ ऑक्टोबर रोजी संपन्न झाली. यावेळी पक्षाची निवडणूक रणनीती निश्चित करून संघटन मजबूत करत महाविजयाचा निर्धार करण्यात आला अशी माहिती मिळत आहे.

या बैठकीत आमदार राणे यांनी कार्यकर्त्यांना मार्गदर्शन केले. पक्षाची निवडणूक रणनीती, संघटनांची बळकटी आणि कार्यकर्त्यांची भूमिका यावर सखोल करण्यात आल्याचे समजते. 

या बैठकीला जिल्हाप्रमुख दत्ता सामंत, माजी आमदार राजन तेली, जिल्हा समन्वयक महेश कांदळगावकर, मच्छिमार आघाडी जिल्हाप्रमुख राजा गावकर, महिला जिल्हाप्रमुख दीपलक्ष्मी पडते, संजय पडते, शहरप्रमुख दीपक पाटकर, तालुकाप्रमुख विनायक बाईत, उपजिल्हाप्रमुख विश्वास गावकर, विधानसभा प्रमुख बबन शिंदे, युवासेना जिल्हाप्रमुख संग्राम साळसकर, युवती सेना जिल्हाप्रमुख सोनाली पाटकर यांच्यासह अनेक पदाधिकारी व कार्यकर्ते मोठ्या संख्येने उपस्थित होते. सर्वांनी एकजुटीने काम करत आगामी निवडणुकीत शिवसेनेला यश मिळवून देण्याचा संकल्प केला अशी माहिती मिळत आहे.

सौजन्य | मालवण ब्यूरो