मालवण | ब्यूरो न्यूज : देवबागचे विद्यमान सरपंच उल्हास तांडेल यांनी जिल्हाप्रमुख दत्ता सामंत यांच्या नेतृत्वाखाली गुरुवार, २१ ऑगस्ट रोजी शिवसेनेत प्रवेश केला.

देवबाग सरपंच उल्हास तांडेल यांच्यासह ग्रा. पं. सदस्य रुपाली मोंडकर, अण्णा केळुस्कर यांनी शिवसेना जिल्हाप्रमुख दत्ता सामंत यांच्या नेतृत्वाखाली शिवसेनेत प्रवेश केला.

यावेळी शिवसेनेचे जिल्हा सरचिटणीस दादा साईल, महिला जिल्हाप्रमुख दीपलक्ष्मी पडते, जिल्हा समन्वयक महेश कांदळगावकर, युवासेना जिल्हाप्रमुख संग्राम साळसकर, उपजिल्हाप्रमुख विश्वास गावकर, तालुकाप्रमुख राजा गावडे, उपतालुकाप्रमुख बाळू नाटेकर, विभागप्रमुख मंदार लुडबे, अरुण तोडणकर, अंजना सामंत, निलेश सामंत, घनशाम बिलये, रुपाली मोंडकर, अण्णा केळुस्कर, बाळा निकम, काका पेडणेकर, प्रतीक्षा चोपडेकर, दशरथ राऊळ, बबी कासवकर, नंदू कुपकर, शावलीन लुद्रिक, बाबा लुद्रिक, ज्ञानेश्वर धुरी, एन्जॉय तुळसकर, मिनिन लुद्रिक यांच्यासह अन्य पदाधिकारी, कार्यकर्ते व ग्रामस्थ उपस्थित होते.

सरपंच श्री. तांडेल हे उद्धव बाळासाहेब ठाकरे पक्षातून शिवसेनेत दाखल झाले आहेत. आमदार निलेश राणे, राणे कुटुंबिय तसेच जिल्हाप्रमुख दत्ता सामंत यांना अभिप्रेत काम करण्याचा मानस त्यांनी या दरम्यान व्यक्त केला आहे.