मसुरे टोकळवाडी येथे माघी गणेश जयंती उत्सव.

मसुरे | प्राजक्ता पेडणेकर : लिंगेश्वर मंदिर मसुरे टोकळवाडी येथे माघी गणेश जयंतीउत्सवा निमित्त ४ व ५ फेब्रुवारी रोजी विविध धार्मिक कार्यक्रमानी संपन्न होणार आहे. यावेळी दिनांक ४ फेब्रुवारी रोजी सकाळी ९ वाजता गणेश पूजन, दुपारी १२ वाजता महाआरती आणि महाप्रसाद, संध्याकाळी सात वाजता सातेरी भजन मंडळ माळगाव यांचे सुश्राव्य भजन, रात्रौ आठ वाजता चाफेखोल महिला मंडळाचे सुश्राव्य भजन, रात्रौ नऊ वाजता विठ्ठल प्रसादिक भजन मंडळ यांची वारकरी दिंडी. ५ फेब्रुवारी दुपारी तीन वाजता श्री सत्यनारायण महापूजा, सायंकाळी सात वाजता स्थानिक मंडळाचे सुश्राव्य भजन, रात्री आठ वाजता वालावलकर दशावतारी नाट्य मंडळाचा क्रोधमाला हा दशावतारी नाट्य प्रयोग होणार आहे. तरी भाविकांनी सर्व कार्यक्रमाचा लाभ घेण्याचे आवाहन टोकळवाडी ग्रामस्थांच्या वतीने संतोष मसुरकर यांनी केले आहे.