मालवणचे नगरसेवक श्री.यतिन खोत यांच्या निवासस्थानी शिबिराचे आयोजन.
मालवण | नझ़िरा शेख़ : सिंधुदुर्ग जिल्ह्यातील मालवण येथे ई श्रमकार्ड शिबिराचे आयोजन करण्यात आले आहे. हे ई श्रमकार्ड शिबीर शिवसेनेतर्फे आयोजीत करण्यात आले आहे.
आज दिनांक 1 फेब्रुवारी आणि उद्या दिनांक 2 फेब्रुवारी अशा सलग दोन दिवशी हे शिबिर चालणार आहे.शिबिराची वेळ सकाळी 10 ते सायंकाळी 04 अशी असल्याचे स्पष्ट करण्यात आले आहे.
या ई श्रमकार्डच्या नोंदणीसाठी इच्छुकांनी त्यांच्यासोबत मोबाईलशी लिंक्ड असलेले आधारकार्ड व बॅन्क पासबुक सोबत घेऊन येणे आवश्यक असल्याचे शिबिर आयोजक शिवसेनेतर्फे सांगण्यात आले आहे.
सदर शिबिर हे मालवणचे नगरसेवक श्री यतिन खोत यांच्या निवासस्थानी संपन्न होणार असल्याची माहिती आयोजकांनी प्रसारमाध्यमांमार्फत दिली आहे.
