आमदार वैभव नाईक यांच्या उपस्थितीत शिवसेनेत प्रवेश.
कणकवली | उमेश परब (सिंधुदुर्ग ब्युरोचीफ) : सिंधुदुर्ग जिल्ह्यातील कसालमधल्या कसालकरवाडी येथील अनेक तरुणांनी रविवारी आमदार वैभव नाईक यांच्या उपस्थितीत शिवसेना पक्षात प्रवेश केला. कसालकर वाडी येथील समाजमंदिर येथे आम. वैभव नाईक यांनी शिवबंधन बांधून, पक्षाच्या शाली देऊन त्यांचे पक्षात स्वागत केले.
आमदार वैभव नाईक यांची कार्यपद्धती तसेच शिवसेनेच्या माध्यमातून कसाल मध्ये होत असलेला विकास यांनी प्रेरित होऊन आपण शिवसेना पक्षात प्रवेश केल्याचे प्रवेशकर्त्या तरुणांनी सांगितले. यामध्ये मंगेश कसालकर, प्रकाश कसालकर, सत्यवान कसालकर, संतोष कसालकर, संदीप कसालकर, अंकित कसालकर, एकनाथ कसालकर, राजन पवार, महेंद्र पवार, गौरेश कसालकर, महेश कसालकर, प्रकाश कसालकर, सागर कसालकर, रविराज कसालकर, निलेश कसालकर यांनी शिवसेनेचा झेंडा हाती घेतला.
यावेळी शिवसेनेचे अवधूत मालणकर, सुजित जाधव, बाळा कांदळकर, डॉ. बालम, अरुण राणे, ग्रा. प. सदस्य गणेश मेस्त्री, पांडुरंग गावडे आदी उपस्थित होते.
