शेष इलेव्हन रेवंडी व्दितीय तर जय भवानी काळेथर तृतीयस्थानी.
चिंदर | विवेक परब : देव वाडोळी क्रिडामंडळ आचरा भंडारवाडी मैदानावर 26 जानेवारी पासुन सुरु झालेल्या वाडोळी प्रिमिअर लिग स्पर्धेत ब्राम्हण देव सुकळवाड संघाने शेष इलेव्हन रेवंडी संघाचा पराभव करत प्रथम क्रमांक पटकावला. शेष इलेव्हन संघाला व्दितीय, जय भवानी काळेथर-तृतिय तर महापुरुष रेवतळे संघाने चतुर्थ क्रमांक मिळवीला. विजेत्या संघाना रोख रक्कम आणि चषक देऊन मान्यवरांच्या हस्ते गौरविण्यात आले.
स्पर्धेत मालिकावीर म्हणून जतिन कांबळी (रेवंडी), उत्कृष्ट फंलदाज म्हणून विशाल लुडबे (रेवंडी), उत्कृष्ट गोलंदाज म्हणून रितेश लोणे (रेवंडी),उत्कृष्ट क्षेत्ररक्षक म्हणून हरेश बांदेकर (सुकळवाड), उत्कृष्ट यष्टीरक्षक म्हणून कौस्तुभ मसुरकर तसेच अंतिम सामना सामनावीर म्हणून आबा दळवी (सुकळवाड) यांना रोख रक्कम व चषक देऊन गौरविण्यात आले.
बक्षिस वितरणासाठी जिजा टेमकर, बाबू परुळेकर, जनार्दन आचरेकर, जयवंत गावकर, विलास जाधव, बाबाजी भिसळे, लक्ष्मणराव आचरेकर, मंदार सरजोशी, मुजीब शेख, व ग्रामस्थ-मंडळाचे कार्यकर्ते उपस्थित होते. स्पर्धेचे समालोचन डि, एस्, परब यांनी केले.
