एका धार्मिक सेवाव्रतस्थ पर्वाची अखेर झाल्याची परिसरांत शोकाकुल भावना….!
आचरा | विवेक परब : सिंधुदुर्ग जिल्ह्यातील आचरा,भंडारवाडी येथिल रहिवाशी श्री. हरिहर (हरिकाका) शंकर जोशी वय 92 यांचे राहत्या घरी रविवारी सायंकाळी वृद्धापकाळाने निधन झाले. हरिकाका हे गेली कित्येक वर्षे पिरावाडी तसेच गाऊडवाडी, नागोची वाडी सहित संपूर्ण गावात चालत भिक्षुकी पौरोहित्य करत असत या भागातील ग्रामस्थांशी एक वेगळेच नाते निर्माण झाले होते. इनामदार भोसले यांची अनेक वर्षे देवपूजा, नैवेद्य, घटस्थापना नवरात्र मध्ये ते पौरोहित्य करत असत. भंडारवाडी येथील श्री मंदार सरजोशी व श्री निलेश सरजोशी यांचे ते काका व श्री रामचंद्र उर्फ चंदू सरजोशी यांचे मानस बंधू होत. आचरा परिसरात हरिकाकाना मानणारा मोठा वर्ग होता. त्यांच्या निधनाचे वृत्त समजताच सर्वत्र दुःख व्यक्त केले जात आहे.
