साळशी गावात भरमानवी वस्तीत बिबट्यांची दहशत

शिरगाव/संतोष साळसकर : देवगड तालुक्यातील साळशी गावात भरमानवी वस्तीत गेले २ महीने बिबट्यांची दहशत निर्माण झाली आहे.येथील परबवाडी,नाईकवाडी .परिसरातील अनेक शेतकरी ग्रामस्थांचे पाळीव कुत्रे, मांजरे आदी दहा- बारा प्राणी बिबट्याने फस्त केले आहे. गेले अनेक दिवस या बिबट्याचा मुक्तपणे संचार या परिसरात सुरू आहेत.तसेच रात्री गावात भरवस्तीत या बिबट्यांची दहशत निर्माण झाली आहे. रात्री काळोख पडल्यानंतर कोणत्याही कामासाठी घराबाहेर एकट्याने पडणे भिंतीचे व धोकादायक ठरणार आहे. गावातील ग्रामस्थांमध्ये प्रचंड भीतीचे वातावरण निर्माण झाले आहे.याबाबत ग्रामस्थांनी पोलीस पाटील यांना लेखी निवेदन दिले असून या बिबट्याचा संबंधित वन विभागाने सापळा रचून त्याला जेरबंद करावे अशी ग्रामस्थांकडून जोरदार मागणी होत आहे.