बांद्यातील अपघातील परप्रांतीय युवक दगावला..!

बांदा | राकेश परब: पत्रादेवी- गोवा रोड झाडाला मोटरसायकल ची धडक बसुन झालेल्या अपघातात कमलेश राजू बंजारा परप्रांतीय युवक जागीच ठार झाला. हा अपघात बुधवारी रात्री उशिरा  घडला. याबाबत अधिक माहीती अशी की कमलेश बंजारा हा मध्यप्रदेश येथील मुळचा रहाणारा आहे. तो गोवा व महाराष्ट्रात मोटरसायकल वरून फीरून चादर
विक्री करण्याचा व्यवसाय करत असे. काल रात्री तो भरधाव वेगात पत्रादेवी- गोवा येथुन बांद्याच्या दिशेने येत असताना  त्याचा दुचाकीवरील ताबा सुटल्याने दुचाकीची झाडाला जोरदार धडक बसली. यामध्ये अपघातामध्ये तो जागीच ठार झाला. बांदा पोलीसानी घटनास्थळाचा पंचनामा करुन त्याचा मुतदेह बांदा प्राथमिक आरोग्य केंद्रात शवविच्छेदन साठी पाठवण्यात आला. आज सकाळी बांदा प्राथमिक आरोग्य केंद्रांचे वैद्यकीय ‌अधिकारी डाॅ.जगदिश‌ पाटील यांनी मुतदेहाचे  शवविच्छेदन करुन मुतदेह नातेवाईकांच्या ताब्यात देण्यात आला.बांदा पोलीस ठाण्यामध्ये अपघाती मुत्युची नोंद करण्यात आली आहे.