सामाजिक कार्यकर्ते संजय मालंडकर यांच्या पत्नी होत.
ब्यूरो न्यूज : कणकवली शहरच्या माजी नगराध्यक्षा सायली संजय मालंडकर यांचे आज गोवा बांबुळी येथे अल्पशा आजाराने निधन झाले. गेले काही दिवस सायली मालंडकर यांच्यावर बांबुळी येथील रुग्णालयात उपचार सुरू होते. मात्र त्यांची प्रकृती उपचारांना साथ देत नसल्याने अखेर त्यांचे आज निधन झाले. कणकवली नगरपंचायतच्या नगराध्यक्षा असताना त्यांनी शहराच्या विकासात महत्त्वपूर्ण असे योगदान दिले होते. त्यांच्या पश्चात पती, एक मुलगा असा परिवार आहे. सामाजिक कार्यकर्ते संजय मालंडकर यांच्या त्या पत्नी होत.
माजी नगराध्यक्षा सायली मालंडकर यांच्या निधनाने कणकवली तसेच सिंधुदुर्ग जिल्ह्यातील विविध स्तरातून शोक व्यक्त होत आहे.
