जिल्हाध्यक्ष प्रभाकर सावंत यांच्या प्रमुख उपस्थितीत झाला पक्षप्रवेश.
पोईप | प्रतिनिधी : मालवण तालुक्यातील गोळवण कुमामे येथील जिल्हा परिषद माजी महिला बालकल्याण सभापती सदस्य सपना पावसकर यांच्या सह ग्रा. पं. सदस्य उबाठा कार्यकर्ते वासुदेव पावसकर यांनी भाजपात प्रवेश केला आहे. भाजप जिल्हा अध्यक्ष प्रभाकर सावंत यांच्या प्रमुख उपस्थितीत हा प्रवेश झाला.
महायुतीचे उमेदवार निलेश राणे यांना गावातून मोठे मताधिक्य मिळवून देण्यात आपण जोमाने काम करु असा विश्वास प्रवेश कर्ते पावसकर यांनी केला. पावसकर हे पूर्वीपासून कट्टर राणे समर्थक अश ओळख प्राप्त कार्यकर्ते आहेत. काही वर्षांपूर्वी ते गैरसमजातून उबाठा गटात गेले. मात्र गावच्या गतिमान विकासासाठी राणे साहेब आणि महायुती शिवाय पर्याय नाही हे जाणून त्यांनी भाजपात प्रवेश केला. त्यांचे भाजपात स्वागत करण्यात आले
त्यावेळी भाजप जिल्हा उपाध्यक्ष अशोक सावंत, कुडाळ मालवण संयोजक बाबा परब, गोळवण कुमामे डिकवल सरपंच सुभाष लाड, माजी सभापती राजू प्रभुदेसाई, आषिश हडकर, विष्णू लाड, संजय हाताने, गोळवण कुमामे डिकवल उपसरपंच शरद मांजरेकर, भाई चिरमुले, सत्यविजय पालव, गुरुनाथ पालव, पर्याय माने, नंदू माने, गणपत माने, यांच्या सह अन्य पदाधिकारी उपस्थित होते.
