डाॅ. श्री. सी. कुडाळकर हायस्कूलची विद्यार्थीनी.
मालवण | प्रतिनिधी : मालवण येथील श्री सद्गुरू सदानंद माऊली एज्युकेशनल फाउंडेशन मालवण संचलित डॉ श्री सी कुडाळकर हायस्कूल मालवण या प्रशालेच्या इयत्ता सहावीत शिकणाऱ्या कु. महीमा विशाल मोहिते हिने जिल्हास्तरीय शालेय मैदानी स्पर्धेत ६०० मी व ४०० मीटर धावणे या क्रीडा प्रकारात प्रथम क्रमांक मिळवून उज्वल यश संपादन केले. कोल्हापूर विभागीय मैदानी स्पर्धा रत्नागिरी डेरवण येथे दि.१९ व २० ऑक्टोबर २०२४ रोजी होणार आहेत या स्पर्धेमध्ये महिमा सिंधुदुर्ग जिल्ह्याचे प्रतिनिधित्व करणार आहे.
तिला प्रशालेचे क्रीडा शिक्षक श्री अजय शिंदे सर व ताराचंद पाटकर यांचे मार्गदर्शन लाभले. कु. महिमाच्या यशाबद्दल संस्थाचालक विलास झाड, भालचंद्र राऊत, महेश मांजरेकर, कृष्णा बांदेकर, विनायक निवेकर, मुख्याध्यापिका सौ नंदिनी साटलकर यांनी अभिनंदन केले आहे.
