मालवण | प्रतिनिधी : खोरकर (अरुळेकर ) रावराणे मंडळाचे संस्थापकीय सदस्य व माजी उपाध्यक्ष आणि महाराणा प्रतापसिंह शिक्षण संस्थेचे कार्यकारी मंडळ सदस्य, लोरेकर ऐक्यवर्धक मंडळाचे माजी उपाध्यक्ष श्री. यशवंत पांडुरंग रावराणे उर्फ वाय पी काका यांचे आज ३० सप्टेंबर २०२४ रोजी सकाळी खोपोली येथे निधन झाले.
त्यांच्या निधनानंतर, एक सदैव उत्साही, हसतमुख, कार्यशील आणि समाज मार्गदर्शक तसेच प्रत्यक्ष समाजकार्यात पुढाकार घेतलेल्या सर्वांगीण व्यक्तिमत्व हरपल्याची भावना समाजबांधवानी व्यक्त केली आहे. आपली सिंधुनगरी न्यूज चॅनेलचे मुख्य संचालक श्री विजय रावराणे यांनी दिवंगत श्री. यशवंत पांडुरंग रावराणे यांना एका शोक संदेशाद्वारे श्रद्धांजली अर्पण केली आहे.
