कुडाळ | प्रतिनिधी : शिवसेना बांधकाम कामगार सेनेच्या जिल्हाप्रमुख पदी श्री. प्रसाद गावडेंची नियुक्ती करण्यात आली आहे. कामगार चळवळीचा अनुभव, जिल्ह्यात शेतकरी तसेच कामगारांच्या प्रश्नांसाठी त्यांचे अभ्यासू कार्य व एका राजकीय पक्षाचा तालुकाध्यक्ष म्हणून त्यांनी केलेल्या कामाची दखल घेत शिवसेना वरीष्ठ नेते श्री. एकनाथ शिंदे यांच्या आदेशानुसार व शिवसेना बांधकाम कामगार सेना महाराष्ट्र राज्य प्रमुख प्रीतम धारिया यांच्या शिफारशीने जिल्हाप्रमुख संजय आंग्रे यांनी प्रसाद गावडे नियुक्ती जाहीर केली आहे.
यावेळी जिल्हा संघटक रुपेश पावसकर, युवासेना कणकवली विधानसभा जिल्हा प्रमुख मेहुल धुमाळे, शिवसेना प्रवक्ते श्री.मंगेश गुरव, मनसेचे माजी ठेकेदार संघटना जिल्हाप्रमुख अमोल जंगले आदी उपस्थित होते. जिल्ह्यातील शेतकरी व कामगार वर्गाची मोठी फळी संघटनेच्या माध्यमातून शिवसेनेच्या भगव्या प्रवाहात जोडण्याचा मानस प्रसाद गावडे यांनी यावेळी व्यक्त केला आहे.
