माजी नगरसेवक व माजी बांधकाम सभापती यतीन खोत आणि वीज कर्मचारी यांची तत्परता.
मालवण | प्रतिनिधी : जोरदार वारा व मुसळधार पावसाने,
मालवण नगरपरिषद हद्दीतील फोवकांडा पिंपळ ते काॅलेज रोड या महत्वाच्या मार्गावर, रात्री वीजेच्या तारा तुटल्या व जमिनीवर पाण्यात पडल्या. भर पावसात माजी नगरसेवक व बांधकाम सभापती यतीन खोत यांनी धोकादायक अशा घटनास्थळी जात पहाणी केली व त्यांनी तत्काळ वीज कर्मचारी प्रदीप मोडक, सिद्धेश बांदेकर, आशीर्वाद लुडबे यांना पाचारण करुन त्या वीज वाहिन्या तथा वीजेच्या तारा तत्काळ दुरुस्त करुन घेतल्या व वीज पुरवठा सुरळीत झाला.
परीसरातील नागरीकांनी या तत्परतेबद्दल माजी नगरसेवक यतीन खोत आणि वीज कर्मचारी प्रदीप मोडक, सिद्धेश बांदेकर व आशिर्वाद लुडबे यांचे आभार मानले
