मसुरे | प्रतिनिधी : कै. सौ. वर्षा विश्वास मोंडकर यांच्या स्मृती प्रित्यर्थ श्री. विश्वास नारायण मोंडकर यांजकडून साडे तीन हजार रु. किंमतीच्या दुरेघी, चौरेघी व एकेरी वह्यांचे मालवण येथील दांडी शाळेतील सर्व ४४ विद्यार्थ्यांना मोफत वाटप करण्यात आले. यावेळी व्यासपिठावर श्री.विश्वास नारायण मोंडकर, राज्यपुरस्कार प्राप्त पदवीधर शिक्षक तथा मालवण केंद्रप्रमुख श्री. शिवराज सावंत, मुख्याध्यापिका सौ.विशाखा चव्हाण, श्री. सचिन मालंडकर, श्री. रुपेश धुरी, सौ. कुबल, सौ. मनीषा ठाकुर मॅडम, सौ. अमृता राणे मॅडम आदी मान्यवर उपस्थित होते.
श्री. विश्वास मोंडकर व मुख्याध्यापिका सौ.विशाखा चव्हाण मॅडम यांनी मुलांना शुभेच्छा दिल्या. कार्यक्रमाचे सूत्रसंचलन श्री. शिवराज सावंत यांनी केले तर आभार सौ.मनिषा ठाकुर मॅडम यांनी मानले.
