बांदा | राकेश परब : बांदा येथे विद्युतभारित वाहिनी अंगावर पडून मृत्युमुखी पडलेल्या विद्या बिले यांच्या कुटुंबीयांना भाजपतर्फे आर्थिक मदत देण्यात आली. पालकमंत्री ना. रवींद्र चव्हाण यांच्या माध्यमातून प्राप्त झालेली आर्थिक मदत जिल्हाध्यक्ष प्रभाकर सावंत यांच्या हस्ते प्रदान करण्यात आली.
गेल्या महिन्यात विद्या बिले या कपडे धुण्यासाठी नदीवर गेल्या असताना त्यांच्यावर विद्युत वाहिनी कोसळून त्यांचा जागीच मृत्यू झाला होता. बिले कुटुंबियांच्या आर्थिक परिस्थितीची माहिती स्थानिक भाजपा पदाधिकाऱ्यांनी पालकमंत्री ना. रवींद्र चव्हाण यांना दिली होती. त्यानुसार त्यांनी आर्थिक मदत दिली.
यावेळी जिल्हाध्यक्ष प्रभाकर सावंत, महिला मोर्चा जिल्हाध्यक्ष श्वेता कोरगावकर, जिल्हा सदस्य प्रमोद रावराणे, माजी सभापती शीतल राऊळ, बांदा मंडल अध्यक्ष महेश धुरी, विभागीय अध्यक्ष गुरुनाथ सावंत, ज्ञानेश्वर सावंत आदी उपस्थित होते. भाजपने कठीण आर्थिक परिस्थितीत दिलेल्या मदतीच्या हातभाराबद्दल बिले कुटुंबियांतर्फे भाजपचे आभार मानण्यात आले.
