क्रीडा | ब्यूरो न्यूज : मुंबई क्रिकेट असोसिएशन अध्यक्ष अमोल काळे यांचे न्यूयाॅर्क मध्ये निधन झाले. काल, ९ जून रोजीचा भारत विरुद्ध पाकिस्तान यांचा टी – ट्वेंटी विश्वचषकातील साखळी सामना पाहण्यासाठी न्यूयॉर्कमध्ये अमोल काळे उपस्थित होते.
सामना संपल्यानंतर काही वेळानंतर त्यांना ह्रदयविकाराच्या तीव्र त्यांचे निधन झाले असे क्रीडा सूत्रांकडून समजते आहे. त्यांच्या निधनानंतर मुंबई क्रिकेटवर शोककळा पसरली. अमोल काळे यांची ऑक्टोबर २०२२ मध्ये मुंबई क्रिकेट असोसिएशनच्या (MCA) अध्यक्षपदी निवड झाली होती. अमोल काळे यांनी माजी क्रिकेटपटू संदीप पाटील यांचा या निवडणुकीत २५ मतांनी पराभव केला होता. बीसीसीआयचे खजिनदार आशिष शेलार यांचा काळे यांना त्या निवडणुकीत पाठिंबा होता.
