अभिनेत्री अक्षता कांबळी यांच्या प्रमुख उपस्थितीत बक्षीस वितरण संपन्न.
कणकवली : लिंगायत समाज कणकवली आणि अक्कमहादेवी महिला मंडळ यांच्या संयुक्त विद्यमाने प पू श्री भालचंद्र महाराज आश्रम येथे काल १० मे रोजी बसवेश्वर जयंती साजरी करण्यात आली.
बसवेश्वर जयंती निमित्त लिंगायत समाजाने महिलांची पलकला स्पर्धा, फनी गेम व सर्व वयोगटातील विविध प्रकारचे सांस्कृतिक कार्यक्रम ठेवण्यात आले होते .यावेळी समाजातील जी मुलं अनेक स्तरावर उत्तम प्रगती करत आहेत व उत्तम यश मिळवलेले आहे अशा सर्व मुलांचा सन्मान चिन्ह देऊन अभिनेत्री सौ. अक्षता कांबळी यांच्य हस्ते गुणगौरव करण्यात आला. यावेळी सौ कांबळी यांनी मालवणी भाषेत सर्वांना शुभेच्छा दिल्या.
यावेळी व्यासपीठावर कार्यक्रमच्या अध्यक्षा माजी नगरसेविका सौ सुप्रिया नलावडे, लिंगायत समाजाचे अध्यक्ष प्रकाश घेवारी, उपाध्यक्ष गजानन उचले, सचिव सचिन टोणेमारे, खजिनदार अजित नष्टे पदाधिकारी उपस्थित होते.
