देवगड : देवगड तालुक्यातील जामसंडे विद्यानगर परिसरात, बुधवारी संध्याकाळी साडे पाचच्या सुमारास सुदीप विठ्ठल खरात हा एका विजापुरी कामगाराचा १० वर्षांचा मुलगा खेळत असताना अचानक जवळच्या एका ५५ फूट खोल विहिरीत पडला. या नंतर त्याचे स्थानिक व इतर विजापुरी कामगारांनी अथक प्रयत्न करत त्या मुलाला बाहेर काढले. सुमारे अर्धा तास तो पाण्यात होता तसेच अर्धा तास त्याने प्राणवायूच्या कमतरतेला देखील धैर्याने तोंड दिले. यानंतर त्याला एका खासगी रुग्णालयात उपचारासाठी नेले व त्याची तब्येत ठीक असल्याचे सूत्रांकडून समजते आहे.
एका लहान मुलाच्या जीवावर बेतलेली ही घटना काळजाचा थरकाप उडवणारी अशीच होती परंतु त्यातून सुदीप खरात याचे या अपघातातून सुखरुप बाहेर पडणे हे ‘जांको राखे साईयां मार सके ना कोई’ या संत कबिरांच्या दोह्याची प्रचिती देणारे ठरले अशी प्रतिक्रिया व्यक्त होत आहे.
‘
