मालवण : सिंधुदुर्ग जिल्ह्यातील शिवसेना तालुकाप्रमुख हरी खोबरेकर ( शिवसेना उद्धव बाळासाहेब ठाकरे ) यांनी रत्नागिरी – सिंधुदुर्ग लोकसभा मतदार संघाचे शिवसेना व इंडिया आघाडीचे उमेदवार विनायक राऊत यांच्या प्रचारार्थ रविवारी २१ एप्रिलला तालुक्यात विविध ठिकाणी कॉर्नर सभांचे आयोजन करण्यात आल्याची माहिती दिली आहे . या सभांमध्ये आमदार वैभव नाईक, संपर्कप्रमुख अरुण दुधवडकर, रत्नागिरी, सिंधुदुर्ग समन्वयक प्रदीप बोरकर, उपनेते गौरीशंकर खोत, जिल्हाप्रमुख संदेश पारकर, ज्येष्ठ नेते भाई गोवेकर, जान्हवी सावंत, संग्राम प्रभुगावकर, युवासेना जिल्हाप्रमुख मंदार शिरसाट हे उपस्थित राहून मार्गदर्शन करणार आहेत.
काॅर्नर सभांचे वेळापत्रक खालीलप्रमाणे आहे.
सकाळी ११ वाजता आचरा बाजारपेठ, ३.३० वाजता पोईप बाजारपेठ, ६ वाजता कट्टा बाजारपेठ, रात्री ८ वाजता तारकर्ली काळेथर येथे कॉर्नर सभा होणार आहेत. इंडिया आघाडीच्या सर्व पदाधिकाऱ्यांनी, कार्यकत्यांनी उपस्थित राहावे, असे आवाहन तालुका प्रमुख हरी खोबरेकर यांनी केले आहे.
