मालवण | प्रतिनिधी : सिंधुदुर्ग जिल्ह्यातील मालवण पोलिसांची तालुक्यात छापेमारी करत मागील ३ आठवड्या दरम्यान , तालुक्यात १० जणांवर छापे टाकून अवैध दारु विक्री प्रकरणी कारवाई केली. यामध्ये २००० दारूच्या बाटल्या असा सुमारे २ लाख ४ हजार ५६० रुपयांचा मुद्देमाल जप्त करण्यात केला.
मालवण पोलीस निरीक्षक प्रवीण कोल्हे यांच्या मार्गदर्शनाखाली ही कारवाई करण्यात आली. पोलिसांनी १६ मार्च ते १० एप्रिल या कालावधीत छापेमारी सुरू केली होती. ही कारवाई उपनिरीक्षक प्रतिज्ञा खोत, संतोष नांदोसकर, एस. एस. खाडे, हेमंत पेडणेकर, विलास टेंबुलकर, सुशांत पवार, प्रकाश पवार, सुभाष शिवगण, वृषाली पाटील, धोंडू जानकर, महादेव घागरे अशा पथकाने केली आहे.
