चाफेड सरपंच किरण मेस्त्री यांनी दिले देवगड एस टी विभागाला लेखी निवेदन.

शिरगांव संतोष साळसकर : सिंधुदुर्ग जिल्ह्यातील देवगड तालुक्यातल्या चाफेड गांवचे सरपंच किरण मेस्त्री यांनी देवगड एस टी विभागाला लेखी निवेदन दिले. देवगड आगारातून सुटणाऱ्या देवगड चाफेड भोगलेवाडी येथे येणाऱ्या बस फेऱ्या या भरणी तांबळवाडी फाटा पर्यंत विस्तारित करण्यात याव्यात कारण चाफेड भोगले वाडी पासून भरणी पर्यंत शाळेतील मुलांना वृद्धांना आजारी व्यक्तींना पायी प्रवास करावा लागतो. तसेच चाफेड गावची बादेवाडी हि एका बाजूला असल्याने तेथील प्रवाशांना भोगले वाडी येथे पायी यावे लागते. तसेच कुवळे मार्गावर दुपारी १२.३० वा. सुटणारी शिरगांव रेबवली बस सुरु असल्याने देवगड आगारातून दुपारी १२.१५ वाजता सुटणारी देवगड कुवळे मार्गे चाफेड येणारी बस फेरी मार्ग कुवळे न करता देवगड चाफेड पर्यंत सुरु करण्यात यावी. दरम्यान तसे झाल्यास चाफेड ग्रामस्थांची मोठी गैरसोय होणार नाहीतरी सदर बस फेरी नियमित सुरु करून मिळावी अशी मागणी सरपंच किरण मेस्त्री यांनी केली आहे.